ટંકારાના ઓટાળા ગામે ઝેરી વિછી કરડી જતા યુવકનું મોત

મોરબી જિલ્લાના ટંકારા તાલુકાના ઓટાળા ગામે ઝેરી વિછી કરડી જતા એક યુવાનનું મોત નિપજ્યું છે. જેને પગલે પરિવારમાં શોકની લાગણી ફેલાઈ છે.

મળતી માહિતી મુજબ, ટંકારા તાલુકાના ઓટાળા ગામે રમેશભાઈ ઘોડાસરાની વાડીમાં રહેતા ૧૭ વર્ષીય યુવક રાજેશભાઈ નવલસિંહ વાખલા ગત તા. ૨૯-૦૯-૨૦૨૨ ના રોજ વાડીએ ખેતીકામ કરતા હતા. તે દરમિયાન એક ઝેરી વિછી અચાનક ત્યાં આવી પહોંચ્યું હતું અને કોઈ કારણોસર તેણે યુવકને કરડી જતા તેને સારવારમા રાજકોટ સીવીલ હોસ્પિટલમાં દાખલ કરાયા હતા. જ્યાં તેનું ટૂંકી સારવાર દરમ્યાન મોત નીપજ્યું હતું. જે અંગે ફરજ પર હાજર તબીબે યુવકને તપાસી મૃત જાહેર કર્યું હતું. આ બનાવ અંગે ટંકારા પોલીસે અકસ્માતે મૃત્યુ નોંધ કરી તપાસ હાથ ધરી છે.