મોરબીમાં મજૂરી કામ કરતા ઉત્તરપ્રદેશના એક યુવકે કારખાનામાં ગળેફાંસો ખાઈ આપઘાત કર્યાની ઘટના સામે આવી છે. જેને લઈ પોલીસે ઘટનાસ્થળે પહોંચી લાશનો કબ્જો મેળવી આગળની કાર્યવાહી હાથ ધરી છે.
- Advertisement -
- Advertisement -
મળતી માહિતી અનુસાર, મોરબીના શ્રીજી એસ્ટેટ સૌરાષ્ટ્ર ટ્રાન્સપોર્ટની સામે પ્લોટ નં-૯૯ SBM એન્ટરપ્રાઇજ શક્ત શનાળા ખાતે રહેતા મુળ ઉત્તરપ્રદેશના પંકુભાઇ પરશુરામ નિશાદ નામના યુવકે ગત તા.૦૬/૦૫/૨૩ નાં રોજ પોતાની જાતે કારખાનામાં ગળે ફાંસો ખાઇ જતા પરશુરામ ગંગારામ નિશાદ નામના મજુરે સમગ્ર મામલે મોરબી સીટી એ ડિવિઝન પોલીસને જાણ કરી હતી. જેને લઈ મોરબી સીટી એ ડિવિઝન પોલીસે ઘટનાસ્થળે પહોંચી લાશનો કબ્જો મેળવી સમગ્ર મામલે અકાળે મોતની નોંધ કરી આગળની કાર્યવાહી હાથ ધરી હતી.
