મોરબીમાં કુદરતી હાજતે ગયેલા યુવાનને ઝેરી જનાવર કરડતા યુવાનનું સારવાર દરમ્યાન મોત

બનાવની પ્રાપ્ત વિગતો અનુસાર મોરબીના જોન્સનગર વિસ્તારમાં રહેતો હનીફભાઈ હસનભાઇ પઠાણ (ઉ.વ.30) કુદરતી હાજતે મોરબીના પાડા પુલ નીચે આવેલ નદીના પટ વિસ્તારમાં ગયો હતો. તે દરમ્યાન આ યુવાનને ત્યાંથી ઝેરી જનાવર કરડી જવાથી ગંભીર હાલતમાં સારવારમાં પ્રથમ મોરબીની સિવિલ હોસ્પિટલ બાદ વધુ સારવાર અર્થે રાજકોટ હોસ્પિટલમાં રીફર કરવામાં આવ્યો હતો. જ્યાં તેનું સારવાર દરમિયાન મોત નીપજ્યું હતું. આ બનાવની જાણ થતાં મોરબી બી ડિવિઝન પોલીસે આ બનાવની નોંધ કરી આગળની તપાસ હાથ ધરી છે.