હળવદ ધ્રાંગધ્રા હાઇવે ઉપર ટ્રકની હડફેટે રસ્તો ઓળંગી રહેલા યુવકનું મોત

હળવદ ધ્રાંગધ્રા હાઇવે ઉપર કોઈબા ગામના પાટિયા પાસેથી ચાલીને રસ્તો ઓળંગી રહેલા દામીનકુમાર કમલેશભાઇ રહે.ધાંગધ્રાવાળા યુવકને ટ્રક રજી નં જીજે-૩૯-ટી-૨૧૫૦ ના ચાલકે પોતાનો ટ્રક બેફિકરાઈથી ચલાવી હડફેટે લઇ અકસ્માત સર્જી દામીનકુમારને માથાના ભાગે ગંભીર ઇજા પહોંચતા તેનું સ્થળ ઉપર મોત નીપજ્યું હતું. અકસ્માત સર્જી ટ્રક ચાલક પોતાનો ટ્રક રેઢો મૂકી નાસી ગયો હતો. ત્યારે અકસ્માતની ઘટનામાં મૃતકના બેન પ્રિયંકાબેન લાલજીભાઇ ભદ્રાડીયા રહે-ગામ ભારદ તા ધાંગધ્રા જી સુરેંદ્રનગર એ હળવદ પોલીસ મથકમાં આરોપી ટ્રક ચાલક વિરુદ્ધ ફરિયાદ નોંધાવતા પોલીસે હાલ તપાસની તજવીજ હાથ ધરી ટ્રક ચાલક આરોપી ઉમેદરામ લીલારામ પીશ્વારામ રહે.ગામ બાલેવા તા.શીપવાના જી.બાડમેર રાજસ્થાનની અટક કરી ધોરણસરની કાર્યવાહી શરૂ કરી છે.