મોરબી પંથકમાં છેતરપીંડીના ગુન્હામાં અને ક્વોરોન્ટાઇન સેન્ટરમાંથી ભાગેલ દોઢ વર્ષથી ફરાર આરોપી રાજકોટથી ઝડપાયો

મોરબી પંથકમાં છેતરપીંડીના ગુન્હામાં સંડોવાયેલ અને ક્વોરોન્ટાઇન સેન્ટરમાંથી નાશી જવાના ગુન્હામાં છેલ્લા દોઢેક વર્ષથી ફરાર આરોપીને મોરબી એલસીબી અને પેરોલ ફર્લો સ્ક્વોડે રાજકોટ ખાતેથી દબોચી લીધો છે.

મોરબી એલસીબી તથા પેરોલ – ફર્લો સ્કવોડને મળેલ બાતમી આધારે આધારે મોરબી તાલુકા પોલીસ સ્ટેશનના છેતરપિંડીના ગુન્હામા સંડોવાયેલા અને ક્વોરેન્ટાઇન સેન્ટરમાંથી ભાગી છૂટેલા દોઢ વર્ષથી ફરાર આરોપી પ્રશાંતભાઇ ઉર્ફે પ્રદિપ ઉર્ફે શિવ વ્રજલાલભાઇ કોડીનારીયા (ઉ.વ.૩૪) રહે.જામનગર, હાલ રહે.રાજકોટવાળાને આજે રાજકોટના કોઠારીયા રોડ ખાતેથી પકડી પડ્યો હતો. ત્યારબાદ પોલીસે વધુ તપાસ અર્થે મોરબી તાલુકા પોલીસ સ્ટેશનને સોંપ્યો હોવાનું જાહેર થવા પામ્યું છે.