માળિયા હળવદ રોડ પર અણિયારી ચોકડી નજીક આર્મી ટ્રકે મારી પલ્ટી : ડ્રાઈવર ઈજાગ્રસ્ત

માળિયા હળવદ રોડ પર વધુ એક માર્ગ અકસ્માતની ઘટના સામે આવી છે. જેમાં અણિયારી ચોકડી નજીક આર્મી ટ્રકે પલ્ટી મારી હતી. ત્યારે બનાવને પગલે રોડ પર ટ્રાફિકજામનાં દ્રશ્યો સર્જાયા હતા.

મળતી માહિતી અનુસાર, માળીયા હળવદ રૉડ પર એક ગમખ્વાર અકસ્માતની ઘટના સામે આવી છે. જેમ આર્મી કેન્ટીનનો સમાન લઈને જઈ રહેલ આર્મી ટ્રકને અકસ્માત નડ્યો હતો. માળિયા હળવદ રોડ પર અણિયારી ચોકડી નજીક આર્મી ટ્રકના ચાલકે સ્ટેરીંગ પરથી કાબુ ગુમાવતા ટ્રક પલ્ટી મારી ગયો હતો. જેના કારણે ટ્રકનાં ડ્રાઈવરને ઈજાઓ પહોંચતા તેને સારવાર અર્થે ખસેડવામાં આવ્યો હતો. તેમજ બનાવની જાણ થતા માળિયા મિયાણા પોલીસનો કાફલો ઘટનાસ્થળે પહોંચ્યો હતો અને આગળની કાર્યવાહી હાથ ધરી હતી.