મોરબીના બહાદુરગઢ ગામનાં પાટિયા નજીકથી ઈંગ્લીશ દારૂની બોટલો ઝડપાઈ, આરોપી ફરાર

પ્રાપ્ત વિગતો અનુસાર ગઈકાલે તા. ૧૫નાં રોજ મોરબી તાલુકા પોલીસ ટીમ પેટ્રોલીંગમાં હોય દરમ્યાન મોરબી માળિયા હાઈવે પર બહાદુરગઢ ગામના પાટિયા પાસેથી સ્પ્લેન્ડર પ્લસ બાઈક નં. જીજે-૩૬-કયું-૧૧૦૨ માં બે ઈસમો શકાસ્પદ હાલતમાં પસાર થતા પોલીસ તેને રોકવાનો પ્રયાસ કરતા બંને શખ્સો બાઈક મુકીને નાસી છુટ્યા હતાં. પોલીસે ચેક કરતાં ઈંગ્લીશ દારૂની બોટલો નંગ ૧૭ કિં.રૂ.૫૧૦૦/- મળી આવતા અને પોલીસે દારૂની બોટલો તથા બાઈક કિં.રૂ.૧૫,૦૦૦/- મળી કુલ રૂપિયા ૨૦,૧૦૦/- નો મુદામાલ કબ્જે કરી બંને ઈસમો વિરુદ્ધ મોરબી તાલુકા પોલીસ મથકમાં ગુનો નોંધાવી આગળની ધોરણસરની કાર્યવાહી હાથ ધરી છે.