હળવદ તાલુકાના નવા ધનાળા ગામના પાટિયા નજીક હાઇવે પર ટ્રેલર ચાલકે કારને અડફેટે લેતા મુંબઈ થી કચ્છ જઈ રહેલ પરિવારને અકસ્માત નડયો છે અકસ્માતમાં ત્રણ લોકોના ઘટનાસ્થળે જ મોત થયા હતા જ્યારે બેને ઈજા પહોંચતા સારવાર માટે હળવદ સરકારી હોસ્પિટલ ખાતે લઇ જવામાં આવ્યા હતા આ અંગે ફોર્ચ્યુનર કાર ચાલક વિરુદ્ધ હળવદ પોલિસ મથકમાં ફરિયાદ નોંધાતા પોલીસે તપાસ હાથ ધરી છે.
હળવદ તાલુકાના નવા ધનાળા ગામના પાટિયા નજીક કચ્છ-અમદાવાદ હાઈવે પર મુંબઈથી કચ્છ જિલ્લાના રાપર તાલુકાના બેસલપર ગામે જઇ રહેલ પરિવારની કારને ટ્રેલર ચાલકે ટક્કર મારતા ગંભીર અકસ્માત સર્જાયો હતો અને આ અકસ્માતમાં સામુંબેન વસ્તાભાઈ પટેલ (ઉ.વ.૬૫), રમેશભાઈ વસ્તાભાઈ પટેલ (ઉ.વ.૫૦), મોંઘીબેન માણાભાઈ પટેલનું ઘટનાસ્થળે જ મોત નિપજ્યું હતું. જ્યારે ઋત્વિકભાઈ માણાભાઈ અને વસ્તાભાઈ નારણભાઈને ઈજા પહોંચતા સારવાર માટે હળવદ સરકારી હોસ્પિટલ ખાતે લઇ જવામાં આવ્યા હતા. આ ઘટનાને પગલે મૃતક સામુંબેનના પતિ અને રમેશભાઇના પિતા વસ્તાભાઇ નારયણભાઇ ભુસણ (ઉવ.૭૫ રહે.દેશલપર તા-રાપર જી કચ્છ ભુજ)એ કાર ચાલક ઋત્વિક મનોજ ભસુણ વિરુદ્ધ ફરિયાદ નોંધાવતા પોલીસે તપાસ આદરી છે.
