હળવદનાં ચરાડવા ગામે ચક્કર આવતા પડી જતા પ્રસૂતાનું મોત

મોરબી જિલ્લાનાં હળવદ તાલુકાનાં માથક ગામે રહેતા ઉર્મિલાબેન વાસુદેવભાઇ નાયકા નામના ૨૦ વર્ષીય યુવતીને ગત ૨૨ ઓગસ્ટનાં રોજ મોરબી સિવીલ હોસ્પીટલ ખાતે ડિલેવર માટે ખસેડવામાં આવ્યા હતા. જ્યાં તેઓને સિજીરીયન ઓપરેશન આવેલ હતું. જે બાદ તેઓ ગત ૦૭ સપ્ટેબરના રોજ ઘર કામ કરતી વેળાએ અચાનક ચક્કર આવતા બેભાન થઈ પડી ગયા હતા. જેથી તેઓને તાત્કાલિક ચરાડવા સરકારી હોસ્પીટલ ખાતે ખસેડવામાં આવ્યા હતા. જ્યાં ડોક્ટર દ્વારા તપાસ કરી અને બાદમાં મૃત જાહેર કરતા પરિવારજનોનો શોકમાં ગરકાવ થયો છે જેથી હળવદ પોલીસે બનાવની નોંધ કરી આગળની કાર્યવાહી હાથ ધરી છે.