બેભાન હાલતમાં રાજકોટ સિવિલ હોસ્પિટલે ખસેડાયેલ મોરબીની યુવતીનું મોત

મોરબીમાં એક અજીબો ગરીબ ઘટના સામે આવી છે. જેમાં મોરબીના ચિત્રકુટ ઇન્ડસ્ટ્રી લીલાપર રોડ પાસેથી રહેતી એક યુવતી અચાનક બેભાન થઈ જતા તેઓને પરિવારજનો દ્વારા સારવાર અર્થે મોરબીની સરકારી હોસ્પિટલ ખાતે ખસેડવામાં આવી હતી. જ્યાં તેઓની હાલત વધુ ગંભીર જણાતા 18 વર્ષીય સુમિત્રાબેન બિરેનભાઇ બારેલા નામની યુવતીને રાજકોટ રીફર કરવામાં આવી હતી. પરંતુ તે રાજકોટ પહોંચે તે પહેલા તેનું મોત નીપજ્યું હતું. રાજકોટ સિવિલ હોસ્પિટલ ખાતે હાજર ડો.હેમા તલવરકરે તપાસ કરી યુવતીનું મોત થયાનું જણાવ્યું હતું. અને આ અંગે મોરબી સીટી એ ડિવીઝન પોલીસ મથકમાં જાણ કરી હતી. તેમજ યુવતીના મોતથી પરિવારજનોમાં શોકનું મોજું ફરી વળ્યું હતું.