આ અકસ્માતમાં એકનું મોત એકને ગંભીર ઈજાઓ પહોંચી
આ બનાવની વિગત મુજબ વાંકાનેર ના વિઠલપર ગામ પાસે ડમ્પર ચાલકે બાઇકને અડફેટે લેતા બાઇકમાં સવાર બે લોકો પરબતભાઇ પ્રભુભાઈ કાંજીયા અને પ્રવીણભાઈ કરમશીભાઈ સારલા રોડ પર ફસડાઈ પડ્યા હતા જેમાં પરબતભાઇ પ્રભુભાઈ કાંજીયાને જીવલેણ ઈજાઓ થતા તેમનુ ઘટનાસ્થળે જ કમકમાટીભર્યું મોત નીપજ્યું હતું જ્યારે બાઇકમાં સવાર પ્રવીણભાઈ ને ગંભીર ઈજાઓ થતા તેમને સારવાર અર્થે ખસેડવામાં આવ્યા હતા.
આ બનાવ બાદ આજુબાજુના ગ્રામજનો એકઠા થઇ ગયા હતા અને રોષે ભરાયેલ લોકોએ અકસ્માત સર્જનાર ડમ્પરને આગ ચાંપી દીધી હતી જોકે આ અકસ્માત સર્જી ડમ્પર ચાલક નાસી છૂટ્યો હતો એ બનાવની જાણ થતાં વાંકાનેર તાલુકા પોલીસ દ્વારા તાત્કાલિક ઘટનાસ્થળે પહોંચીને ફાયર ફાયટરની ટીમ ને જાણ કરી આગ બુઝાવવા અને અકસ્માતગ્રસ્ત વાહનો દૂર ખસેડી વાહનવ્યવહાર પૂર્વવત કરવા અને અકસ્માત સર્જનાર ડમ્પર ચાલક વિરુદ્ધ ગુનો નોંધવા તજવીજ હાથ ધરી હતી.
