મોરબીમાં ૪૭૫ લીટર દેશી દારૂ ભરેલ ઇકો કાર રેઢી હાલતમાં મળી આવી:ચાલકની શોધખોળ

મોરબીના રફાળેશ્ર્વર નજીક ભુદેવ પાન સામે મેઇન રોડ ઉપર મોરબી તાલુકા પોલીસને રેઢી હાલતમાં ૪૭૫ લીટર દેશી દારૂ ભરેલ ઇકો કાર મળી આવતા ખડભળાટ મચી જવા પામ્યો છે.

મળતી માહિતી મુજબ, મોરબી તાલુકા પોલીસ સ્ટેશનનો સ્ટાફ ગઈકાલે રાત્રીના સમયે પેટ્રોલિગમાં હતો. ત્યારે તેઓને બાતમી મળી હતી કે, રફાળેશ્વર નજીક પાર્ક કરેલી કારમાં દેસી દારૂનો જથ્થો પડેલો છે જે બાતમીના આધારે તપાસ દરમિયાન રફાળેશ્ર્વર ભુદેવ પાન સામે મેઇન રોડ ઉપર પોલીસે રેડ કરતા રેઢી હાલતમાં GJ-03-LM-6957 નંબરની ઇકો કાર મળી આવી હતી, જેની અંદર તપાસ કરતા પોલીસને ૪૭૫ લીટર દેશી દારૂ મળી આવ્યો હતો. જેની કિંમત અંદાજે રૂ.૯,૫૦૦/- માનવામાં આવી રહી છે, તે તમામ મુદ્દામાલ સાથે ઇકો કારને પણ કબ્જે કરી પોલીસે આગળની તપાસ શરુ કરી છે. તેમજ નાશી છૂટેલ કારના ચાલકને પકડવા ચક્રો ગતિમાન કર્યા છે.