વાંકાનેરના કુંભારપરામાં પત્તા ટીંચતા આઠ શકુનીશિષ્યો પકડાયા

વાંકાનેર સીટી પોલીસે વાંકાનેરના કુંભારપરા વાડી વિસ્તારમા સ્ટ્રીટ લાઇટના અંજવાળે પતા ટીંચતા આઠ શકુનીશિષ્યોને ઝડપી લઇ કાયદેસરની કાર્યવાહી હાથ ધરી છે.

વાંકાનેરના કુંભારપરા વાડી વિસ્તારમા જુગારનો પાટલો મંડાયો હોવાની પોલીસને જાણ થતા પોલીસે રેઇડ પાડી હતી. આ દરમિયાન સ્ટ્રીટ લાઇટના અંજવાળે જાહેરમાં જુગાર રમતા મેરૂભાઇ લક્ષ્મણભાઇ દેકાવડીયા, રવિભાઇ ઉર્ફે કાશી કાળુભાઇ વસાણીયા, જયેશભાઇ ઉર્ફે હલો મષાભાઇ બાંભવા, અજયભાઇ નાનુભાઇ મદ્રેસાણીયા, લખમણભાઇ દેવાભાઇ ગમારા, વિજયભાઇ નાનજીભાઇ ઉધરેજા, પરેશભાઇ રમણીકભાઇ રાવલ અને નવઘણભાઇ વજાભાઇ શામળ સહિતના શખ્સો રંગેહાથ ઝડપાયા હતા. જેને પગલે પોલીસે તમામના કબ્જામાંથી રોકડા રૂપિયા ૩૮૬૦૦ નો મુદામાલ જપ્ત કરી વાંકાનેર સીટી પોલીસ મથકમાં તમામ વિરૂધ્ધ જુગારધારા કલમ -૧૨ મુજબ ગુનો નોંધી કાયદેસરની કાર્યવાહી કરી હતી.