મોરબીના લાલપર ગામે સીરામીકના કારખાનામાંથી અઢાર એસી ડ્રાઇવની ચોરી : પાંચ આરોપીઓ સામેં ફરિયાદ નોંધાઈ

મોરબીના લાલપર ગામે આવેલ કારખાનામાંથી 18 નંગ એ.સી.ડ્રાઇવની ચોરી થયા અંગેની મોરબી તાલુકા પોલીસ મથકમાં ફરિયાદ નોંધાઈ છે.

લગધીરપુર રોડ પર આવેલ લાલપર ગામના સીરામીકના વોલ ટાઇલ્સના બંધ કારખાનાના પ્લાન્ટમા ગત તા-૦૫/૧૦ ના સાંજના સાતથી તા-૦૬/૧૦ સવારના આઠ વાગ્યા દરમ્યાન કોઇ પણ સમયે કિલન વિભાગમા આવેલ પેનલ બોર્ડમા તથા ગેલેજ લાઇન ઉપર ફીટ કરેલ ઇલેક્ટ્રીક એ.સી.ડ્રાઇવ નંગ-૧૮ કિંમત રૂપિયા-૯૦,૦૦૦નો મુદામાલની ચોરી થતા આરોપી જોગુભાઇ અકરમભાઇ બારીયા (ઉ.વ-૨૮), રાકેશભાઇ જાનુભાઇ ખોખર (ઉ.વ-૩૫), ઇમરાનભાઇ ગુલામભાઇ ખોલેરા (ઉ.વ-૨૬), જાવીદભાઇ ગનીભાઇ ઘોણીયા (ઉ.વ-૩૩), મહમદઅલી ગુલામહુશેન કચ્છી (ઉ.વ-૨૦) સહિત પાંચ શખ્સો સામે પોલીસ ફરિયાદ નોંધાઈ છે. પોલીસે ફરિયાદને પગલે અરોપીઓને ઝડપી લેવા તપાસ હાથ ધરી છે.