મોરબીનાં સો-ઓરડી વિસ્તારમાંથી વર્લી ફીચરનો જુગાર રમાડતો ઈસમ ઝડપાયો

મોરબીમાં જુગાર રમતા ઈસમોનો રાફડો ફાટ્યો હોય તેવું લાગી રહ્યું છે. ત્યારે ગઈકાલે મોરબી સીટી બી ડિવીઝન પોલીસની ટીમે સો-ઓરડી શેરી નંબર-૬, મેલડીમા માતાજીના મંદિર પાસે રેઇડ કરી જાહેરમાં વર્લીફીચરનો જુગાર રમાડતા એક ઈસમને પકડી પાડી તેના વિરુધ્ધ કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી સીટી બી ડિવીઝન પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, મેલડીમા માતાજીના મંદિર પાસે એક ઈસમ જાહેરમાં વર્લી ફીચરના આંકડાઓ લખી નશીબ આધારીત પૈસાની હારજીતનો જુગાર રમાડી રહ્યો છે. જે હકીકતનાં આધારે પોલીસે સ્થળ પર રેઈડ કરી અઝફલ અકબરભાઇ સમા નામના ઈસમને રૂ.૫૦૦૦/-ની કિંમતનાં ૦૧ મોબાઇલ ફોન તથા રોકડ રકમ રૂ.૨૯૦૦/- મળી કુલ રૂ.૭૯૦૦/- ના મુદામાલ સાથે પકડી પાડ્યો હતો અને કાયદેસરની કાર્યવાહી હાથ ધરી હતી.