આવતીકાલથી રાજ્યના ખેડુતોને મળશે વધુ બે કલાક વીજળી

હાલ વરસાદ ખેંચાતા ખેડુતો મુશ્કેલીમાં મુકાયા છે ત્યારે મુખ્યમંત્રી વિજય રૂપાણીએ ખેડૂતોનાં હિતમાં એક સંવેદનાપૂર્ણ નિર્ણય કર્યો છે. રાજ્યમાં વરસાદ ખેંચાવાની સ્થિતીમાં ખેડૂતોને સિંચાઇ-પાણી માટે સમસ્યા ન રહે તે હેતુસર આવતીકાલે બુધવાર તા.૭ જુલાઇથી ખેડૂતોને વધુ બે કલાક વીજળી અપાશે. હાલ રાજ્યમાં ખેડૂતોને આઠ કલાક વીજળી આપવામાં આવે છે તેમાં મુખ્યમંત્રી વિજય રૂપાણીએ બે કલાકનો વધારો કરવાનો નિર્ણય કર્યો છે. આમ હવે રાજ્યના ખેડૂતોને આવતીકાલે બુધવારથી ૮ કલાકને બદલે ૧૦ કલાક વીજળી મળશે.