મોરબી તાલુકાના માણેકવાડા ગામેથી જાહેરમાં જુગાર રમતા પાંચ પત્તાપ્રેમીઓ ઝડપાયા

પ્રાપ્ત વિગતો અનુસાર મોરબી તાલુકા પોલીસની ટીમ પેટ્રોલિંગમાં હોય દરમિયાન મોરબી તાલુકાના માણેકવાડા ગામે પટેલ સમાજની વાડી નજીક જાહેરમાં જુગાર રમાતો હોવાની બાતમીના આધારે તાલુકા પોલીસે દરોડો પાડી ત્યાં જુગાર રમતા પ્રકાશભાઈ ઘનજીભાઈ કોટડીયા, અતુલભાઈ છગનભાઈ દેત્રોજા, સંજયભાઈ છગનભાઈ દેત્રોજા, રમેશભાઈ ભીખાભાઈ દેત્રોજા અને શૈલેષભાઈ છગનભાઈ દેત્રોજાને પોલીસે રોકડ રકમ રૂ.૬૪,૨૮૦/- સાથે ઝડપી પાડી ધોરણસરની કાર્યવાહી હાથ ધરી છે.