મોરબી સીટી પોલીસે ગઈકાલે બાતમીનાં આધારે બે સ્થળોએ જુગારની રેઇડ કરી હતી અને બંને સ્થળોએથી જુગાર રમતા ચાર ઈસમોને પકડી પાડ્યા હતા. અને તમામ વિરુધ્ધ જગારધારા કલમ.૧૨ મુજબ ગુન્હા દાખલ કર્યા છે. અને આગળની કાર્યવાહી હાથ ધરી છે.
પ્રથમ દરોડામાં, મોરબી સીટી બી ડિવિઝન પોલીસની ટીમ દ્વારા બાતમીનાં આધારે મહેન્દ્રનગર ગામમાં આવેલ જાપા પાસે રેઈડ કરી જાહેરમાં ગંજીપતાના પાના પૈસા વતી તીનપતીનો નશીબ આધારીત હારજીતનો જુગાર રમતા અરવિંદભાઇ ખોડાભાઇ ધામેચા તથા હિરાભાઇ બચુભાઇ ધામેચા નામના બે ઈસમોને પકડી પાડી તેમની પાસેથી રોકડા રૂ.૯૮૦/- નો મુદ્દામાલ કબ્જે કરવામાં આવ્યો હતો. અને આગળની કાર્યવાહી હાથ ધરવામાં આવી હતી.
બીજા દરોડામાં, મોરબી સીટી બી ડિવિઝન પોલીસની ટીમ દ્વારા બાતમીનાં આધારે વિનોદભાઇ વાલજીભાઇ મકવાણા તથા સંજયભાઇ મોહનભાઇ નંદેસરીયા નામના શખ્સોને ધુંટુ રોડ ઉપર સી.એન.જી.પંપ નજીક રીક્ષા સ્ટેન્ડ પાસેથી જાહેરમાં ગંજીપતાના પાના પૈસા વતી તીનપતીનો નશીબ આધારીત હારજીતનો જુગાર રમતા પકડી પાડવામાં આવ્યા હતા. અને તેમની પાસેથી રોકડા રૂ.૧,૨૪૦/-નો મુદ્દામાલ કબ્જે કરવામાં આવ્યો હતો.
