મોરબીના રામધન આશ્રમ ખાતે ગુરુપૂર્ણિમા ઉત્સવની ભવ્ય ઉજવણી

મોરબી સહીત જિલ્લામાં આજરોજ ગુરુપૂર્ણિમાનાં પર્વની ઉજવણી કરવામાં આવી હતી. ગુરુ અને શિષ્યના પવિત્ર સંબંધોને ઉજાગર કરતા ગુરુપૂર્ણિમાનાં પર્વની આજરોજ મહેન્દ્રનગર ખાતે આવેલ રામધન આશ્રમમાં પણ ઉજવણી કરવામાં આવી હતી.

રામધન આશ્રમના મુકેશ ભગતના જણાવ્યા અનુસાર, રામધન આશ્રમ મહેન્દ્રનગર ખાતે મહંત ભાવેશ્વરી માં તેમજ રત્નેશ્વરી દેવીના સાનિધ્યમાં ભવ્ય ગુરુપૂર્ણિમા ઉત્સવ ઉજવાયો હતો. જેમાં પોથી પૂજન, કુમારિકા પૂજન, મહાપ્રસાદ અને સત્સંગ સહિતના કાર્યક્રમો ઉજવાયા હતા. આ પ્રસંગે અનેક ભક્તોએ પધારી ભજન તેમજ ભોજનનો લાભ લીધો હતો. તેમજ મીડિયા કર્મીઓ, આરોગ્ય વિભાગ, પોલીસ ડિપાર્ટમેન્ટના સભ્યોએ પધારી કાર્યક્રમ સફળ બનાવ્યો હતો. કાર્યક્રમને સફળ બનાવવા રામધન આશ્રમના સેવકો તેમજ ગોપી મંડળની બહેનોએ જહેમત ઉઠાવી હતી.