મોરબી જિલ્લામા અપમૃત્યુના બે બનાવો સામે આવ્યા છે જેમાં કેન્સરની બીમારીથી કંટાળી મહિલાએ અને અકળ કારણસર આદિવાસી યુવાને ગળેફાંસો ખાઈ લીધો હોવાનું જાહેર થયું છે.
મોરબીના ધૂનડા રોડ પર આવેલ ફલોરા એપાર્ટમેન્ટ મા રહેતા ધરતીબેન નીલેશભાઇ માકાસણા નામની 40 વર્ષીય પરિણીતા છ માસથી કેન્સર જેવી ઘાતક બીમારી ભોગવતા હતા આથી બીમારીથી કંટાળી જઇ ઘુનડા રોડ પર આવેલ માધવ ગૌશાળા સામે પરેશ પટેલના પ્લોટમા દેશી આવળના ઝાડ સાથે દોરી વડે ગળે ફાંસો ખાઇ મોત વ્હાલું કરી લીધું હતું.
અપમૃત્યુના બીજા બનાવમાં વાંકાનેર તાલુકાના સરતાનપર રોડ પર આવેલ નીધી માઇક્રોન કારખાનાના લેબર કર્વટરમાં રહેતા મૂળ એમપીના રામચંદ્ર ભાગીરથ માલવીયા (ઉ.વ.૩૭)એ પોતાના રૂમમાં કોઇ અકળ કારણોસર ગળેફાંસો ખાઈ મોત ની સોડ તાણી હોવાનું પોલીસ મથકમાં જાહેર થયું છે જેને લઈને પોલીસે મોતનું કારણ જાણવા સહિતનો દિશામાં કાર્યવાહી આદરી છે.
