વાંકાનેરના વઘાસીયા ગામે ‘આ રસ્તે તારે ટ્રક લઈને નીકળવાનું નહિ’ કહી ચાર ઈસમો ધોકા છરી વડે તૂટી પડ્યા

વાંકાનેરના વઘાસિયા ગામે તળાવ પાસે ટ્રક લઈને જતા ડ્રાઈવરને તારે આ રસ્તે ટ્રક લઈને નીકળવાનું નથી એમ કહીને ચાર શખ્સોએ હુમલો કર્યો હતો.

જે બનાવની વિગત મુજબ વાંકાનેરના વઘાસિયા ગામે ટ્રક ચાલક જયેશભાઇ ડાયાભાઇ લામકા (ઉ.વ.૨૬ રહે.પંચાસર વાંકાનેર) પોતાનો ટ્રક નં. જીજે ૨૭ એક્સ ૫૩૯૭ અને એક ઇકો કાર નં. જીજે ૩૬ આર ૭૩૪૧ લઈને પંચાસર ગામ તરફ જઈ રહ્યા હતા ત્યારે વઘાસિયા ગામે આરોપી અક્ષય ઝાલા એ ફરિયાદીને ગાળો આપી જમણા સાથળ પર છરીનો ઘા માર્યો હતો અને આરોપી ની સાથે આવેલા અન્ય અજાણ્યા ઈસમોએ પણ લાકડાના ધોકા વડે હુમલો કરી માર માર્યો હતો અને ટ્રકના કાચ ફોડી નાખી મોબાઈલ તોડી નાખતા ટ્રક ચાલક દ્વારા વાંકાનેર સીટી પોલીસ મથકમાં ફરિયાદ નોંધાવવામાં આવી છે.