વાંકાનેર અને મોરબીમાં બે શખ્સો વિદેશી દારૂની 14 બોટલ સાથે ઝડપાયા

મોરબી : મોરબી અને વાંકાનેર શહેરમાં પોલીસે બે શખ્સોને એક્ટિવા મોટર સાયકલમાં દારૂની હેરફેર કરતા ઝડપી લઈ પ્રોહિબિશન એક્ટ મુજબ કાર્યવાહી હાથ ધરી હતી.

વાંકાનેર સીટી પોલીસ સ્ટેશનના હેડ કોસ્ટેબલ યશપાલ સિંહ પરમાર સહિતનો સ્ટાફ લુણસર ચોકડી પાસે પેટ્રોલિંગમાં હતા ત્યારે જીજે-36-ઈ 1430 નંબરનું એક્ટિવા અટકાવી તલાશી લેતા 12 બોટલ વિદેશી દારૂ મળી આવતા નવઘણ મોહન સોલંકીની ધરપકડ કરી બાઈક સહિત રૂપિયા 23600 મુદ્દામાલ કબજે કર્યો છે જ્યારે બીજા બનાવમાં મોરબી શહેરમાં લગધીર વાસ ચોક પાસે એક્ટિવામાં બે બોટલ વિદેશી દારૂ લઈને નીકળેલો કાનજી દેવજી સોલંકી ની ધરપકડ કરી એક્ટિવા સહિતનો મુદામાલ કબ્જે કર્યો હતો.