માળિયા તાલુકાના જાજાસર ગામની પ્રાથમિક શાળામાં દેવ સોલ્ટ પ્રાઈવેટ લિમિટેડ દ્વારા વિનામૂલ્યે શૈક્ષણિક કીટ અર્પણ અર્થે કાર્યક્રમ યોજવામાં આવ્યો હતો. કાર્યક્રમની શરૂઆતમાં શાળાના વિદ્યાર્થીઓ દ્વારા પ્રાર્થના અને સ્વાગત ગીત રજુ કરવામાં આવ્યું હતું.
ત્યારબાદ શાળાના શિક્ષક હરદેવભાઈ કાનગડ દ્વારા મહેમાનોનો પરિચય આપી શાબ્દિક સ્વાગત કર્યું હતું. સાથે શાળાના આચાર્ય ધીરૂભાઈ મિયાત્રા તેમજ સ્ટાફ મિત્રો દ્વારા કાર્યક્રમમાં ઉપસ્થિત તમામ મહેમાનોનું મોમેન્ટો અર્પણ કરી સ્વાગત કર્યું હતું. કાર્યક્રમમાં ઉપસ્થિત દેવ સોલ્ટ માંથી વિવેકભાઈ અને યાસીનભાઈ તેમજ ગામના આગેવાન વિક્રમભાઈ, મનુભાઈ, કાનાભાઈ, જીવણભાઈ અને પ્રેસ રિપોર્ટર મહેન્દ્રસિંહ જાડેજાના વરદ હસ્તે શાળાના તમામ 111 વિદ્યાર્થીઓને શૈક્ષણિક કીટ અર્પણ કરવામાં આવી હતી. આ તકે શાળા પરિવાર વતી શાળાના શિક્ષક ચેતનભાઈ વોરા દ્વારા તમામનો આભાર વ્યક્ત કર્યો હતો. આ સમગ્ર કાર્યક્રમનું સફળ સંચાલન ભાવેશભાઈ બોરીચા દ્વારા કરવામાં આવ્યું હતું.
