મોરબીમાં આઈપીએલની મેચ ઉપર સટ્ટો રમતા લીસ્ટેડ આરોપી ઝડપાયો, રાજકોટના એક શખ્સનું નામ ખુલ્યું

મળતી માહિતી અનુસાર મોરબી સીટી એ ડિવિઝન પોલીસ પેટ્રોલિંગમાં હોય તે દરમિયાન મોરબી શહેરના રવાપર ઘુનડા રોડ ઉપર થીમ હાઇટ્સના ફેલટni બહાર પાર્કિંગમાંથી ક્રેક ઓનલાઈન એપ્લિકેશનમાં આઈપીએલની ૨૦-૨૦ સિરીઝની રાજસ્થાન રોયલ્સ અને રોયલ ચેલેન્જ બેંગલુરુ વચ્ચે ચાલતી ક્રિકેટ મેચ ઉપર ઓનલાઈન સટ્ટો રમતા આરોપી વિનયભાઈ મગનલાલ મહેતા ઉ.૫૫ નામના શખ્સને રંગેહાથ ઝડપી લઈ તેની પાસેથી રોકડા રૂપિયા ૨,૫૦૦/- તેમજ મોબાઈલ ફોન કિ.રૂ.૮,૦૦૦/- કબ્જે કર્યો હતો. આરોપીની પ્રાથમિક પૂછપરછમાં રાજકોટના ડી.કે.નામના શખ્સ સાથે રનફેરનો જુગાર રમતો હોવાની કબૂલાત આપતા સીટી એ ડિવિઝન પોલીસે જુગારધારા મુજબ ગુન્હો નોંધી વિનયભાઈની ધરપકડ કરી રાજકોટના ડી.કે. નામના આરોપીની અટક કરવા તજવીજ હાથ ધરી છે.

અત્રે ઉલ્લેખનીય છે કે આ પહેલા પણ આરોપી વિનયભાઈ મહેતા ક્રિકેટ સટ્ટામાં પોલીસ ચોપડે ચડી ચુક્યો છે.