મોરબી: વાવડી રોડ ભક્તિનગર સોસાયટીમાં ઘર પાસે પાર્ક કરેલ બાઇક તસ્કરો ઉપાડી ગયા

મોરબી શહેરમાં વધુ એક બાઇક ચોરીની ઘટના સામે આવી છે, જેમાં શહેરના વાવડી ગામે ઉમિયા પાર્ક સોસાયટીમાં રહેતા લખજી રોહસિંઘ સોઢા ઉવ.૩૨ એ એ ડિવિઝન પોલીસ મથકમાં બાઇક ચોરી અંગે ફરિયાદ નોંધાવી છે. જેમાં જણાવ્યા અનુસાર, ગત તા.૩૦/૦૧ના રોજ લખજી સોઢાના ઘરે ફર્નિચરનું કામ કરતા દેવીસિંગ તેનું સ્પ્લેન્ડર રજી.નં. જીજે-૩૬-એક્યુ-૬૪૧૦ લઈને વાવડી રોડ ભક્તિનગર સોસાયટી ખાતે લખજી સોઢાનું સ્પ્લેન્ડર બાઇક લઈને ગયા હતા. ત્યારે દેવીસિંગે ઉપરોક્ત બાઇક તેના ઘર પાસે પાર્ક કર્યું હતું , જે બીજે દિવસે સવારે પાર્ક કરેલ જગ્યાએ મળી ન આવતા, બાઇકની સોસાયટીની આજુબાજુ તપાસ કરી હતી પરંતુ બાઇક મળ્યું નહિ, જેથી લખજી સોઢા દ્વારા બાઇક ચોરી અંગે સીટી એ ડિવિઝન પોલીસ મથકમાં ફરિયાદ નોંધાવી છે.