મોરબી ખાણ ખનિજ વિભાગે સાદી રેતીનું ગેરકાયદે વહન કરતા ત્રણ ડમ્પર ઝડપી પાડયા

મોરબી ખાણ ખનિજ વિભાગ દ્વારા આજરોજ વહેલી સવારે વાંકાનેર તાલુકાના મેસરિયા ગામે આકસ્મિક ચેકીંગ કરતા ત્રણ ડમ્પર સાદી રેતી ખનિજ ના રોયલ્ટી પાસ વગર વહન કરતા પકડી સીઝ કરી આગળની કાર્યવાહી હાથ ધરી છે.

ભુસ્તરશાત્રી મોરબી જે એસ વાઢેરની સૂચનાથી તેમની ટીમના રોયલ્ટી ઇન્સ્પેક્ટર રાહુલ મહેશ્વરી અને માઇન્સ સુપરવાઇઝર મિતેષ ગોજીયા દ્વારા આજરોજ તા. 30/07/24 નાં વહેલી સવારના રોજ વાંકાનેર તાલુકાના મેસરીયા ખાતે આકસ્મિક રોડ ચેકિંગ કરતાં ત્રણ ડમ્પર GJ13AW6451, GJ03 BZ4549 અને GJ03BV6748 નંબરો વાળા ડમ્પરોને સાદી રેતી ખનીજનાં રોયલ્ટી પાસ વગર વહન કરતા પકડી સીઝ કરી વાંકાનેર તાલુકા પોલીસ સ્ટેશન ખાતે મૂકી આગળની કાર્યવાહી હાથ ધરી છે.