મોરબી પાલિકાના વાહને એક્ટિવાને હડફેટે લેતા બેને ઇજા

મોરબી : મોરબી પાલિકાના વાહને એક્ટિવાને હડફેટે લેતા બેને ઇજા થયેલ છે. આ બનાવ અંગે ફરિયયાદી સવજીભાઇ કાનજીભાઇ ચૌહાણ (ઉ.વ.૨૫ ધંધો મજુરી રહે.પ્રકાશનગર સોસાયટી લીલાપર ગામ તા.જી.મોરબી) વાળાએ આરોપી છોટા હાથી વાહન નં. GJ-36-G-0263 નો ચાલક સામે નોંધાવેલ ફરિયાદમાં જણાવેલ કે, મોરબી તાલુકાના જોધપર (નદી) ગામની સીમ લીલાપર રફાળેશ્વર રોડ મચ્છુ-૨ ડેમ પાસે વળાંકમાં રોડ ઉપર ફરીયાદી તથા સાહેદ દલપતભાઇ એકટીવા મોટર સાયકલ નંબર GJ-36-AA-9144 વાળુ લઇને જતા હતા ત્યારે સાહેદ દલપતભાઇ એકટીવા ચલાવતા હતા અને ફરીયાદી પાછળ બેઠા હતા ત્યારે નગરપાલીકાનુ ડોર ટુ ડોર છોટા હાથી નં. GJ-36-G-0263 વાળાના ચાલક પુરઝડપે અને ગફલતભરી રીતે ચાલવી ફરીયાદી તથા સાહેદના એકટીવા સાથે સાઇડના ભાગે ભટકાડી ફરીયાદી ને જમણા પગમાં ફેકચર જેવી ઇજા કરી હતી જેથી મોરબી તાલુકા પોલીસે ગુનો નોંધી કાર્યવાહી હાથ ધરી છે.