મર્ડરના આરોપીને ઝડપી લેતી મોરબી પોલીસ

મોરબીના લગધીરપુર રોડ ઉપર થયેલ મર્ડરના ગુનામાં સંડોવયેલા આરોપીને ઝડપી લેવામાં મોરબી સીટી બી ડીવીઝન પોલીસ ટીમને સફળતા મળી છે. પોલીસે આરોપીને દબોચી લઈ કાયદેસરની કાર્યવાહી કરી છે.

વિગત મુજબ મોરબીના લગધીરપુર રોડ ઉપર થયેલ મર્ડરના ગુનાંના આરોપી બારીયાલ કુશાલભાઇ ટુડુ (ઉવ.૨૩) રહે.રેડીયન્ટ સીરામીકની ઓરડીમા, લખધીરપુર રોડ, મોરબી મુળગામ- દેવકુંડી ઓરીસ્સા વાળાને શોધી કાઢવા ટીમ બનાવી મોરબી ડી. સ્ટાફના પો.સ.ઇ. એ.એ.જાડેજા, પો.સ.ઇ એલ.એન.વાઢીયા સહિત ડી સ્ટાફ પેટ્રોલિંગમા હતો તે દરમિયાન ખાનગી રાહે મળેલી બાતમીના આધારે રેઇડ કરી મર્ડરના આરોપીને ઝડપી લીધો હતો. આરોપીને દબોચી લઈ આરોપી વિરૂધ્ધ કાયદેસરની કાર્યવાહી હાથ ધરી છે. આ

કામગીરી દરમિયાન પોલીસ ઇન્સપેક્ટર વી.એલ.પટેલ, પો.સ.ઇ. એ.એ.જાડેજા, પો.સ.ઇ. એલ.એન.વાઢીયા તથા સર્વેલન્સ સ્કોડના પોલીસ મદદમાં જોડાયેલ હતા.