મોરબીના ઉંચી માંડલ ગામ પાસે ૩૨ વિદેશી દારૂની બોટલ સાથે એક ઝડપાયો

મોરબી તાલુકા પોલીસે ઉંચીમાંડલ ગામ પાસે ૩૨ ઈંગ્લીશ દારૂની બોટલનો જથ્થો ઝડપી લીધો હતો.

આ બનાવની પ્રાપ્ત વિગતો અનુસાર મોરબી તાલુકા પોલીસ સ્ટાફે ગઈકાલે મોરબી તાલુકાના ઉંચી માંડલ ગામની સીમમાં આવેલ મેપ્સ સિરામીક પાછળ ખુલ્લી જગ્યામાથી વિદેશી દારૂની કુલ બોટલો નંગ-૩૨ કિ.રૂ.૧૨,૪૩૫ નો જથ્થો ઝડપી લીધો હતો. તાલુકા પોલીસે આ બનાવમાં આરોપી પ્રહલાદભાઇ લક્ષ્મણભાઇ બ્રાહ્માણી (ઉ.વ.૪૦, ધંધો-મજુરી, રહે. મહેન્દ્રનગર, શિવપાર્ક, મોરબી) સામે પ્રોહીબિશનનો ગુનો નોંધી તેની ધરપકડ કરવાની કાર્યવાહી હાથ ધરી છે.