ટંકારા નજીક કન્ટેનરની ઠોકરે મોટરસાયકલ યુવાન ઇજાગ્રસ્ત : ફરિયાદ નોંધાઇ

ટંકારા નજીકથી પસાર થતા મોટરસાયકલને અજાણ્યા કન્ટેનર ચાલકે ઠોકરે ચડાવતા બાઈકસવાર યુવાનને ઈજા પહોંચતા સારવાર અર્થે ખસેડવામાં આવ્યો, ટંકારા પોલિસે બનાવની નોંધ કરી વધુ તપાસ હાથ ધરી છે.

બનાવની પ્રાપ્ત વિગતો અનુસાર ટંકારાના તિલકનગરના રહેવાસી સલીમ પીલુડીયાએ અજાણ્યા કન્ટેનર ચાલક સામે પોલીસ ફરિયાદ નોંધાવી છે કે તેના દીકરા બુલેટ નં. જીજે-૩૮-એસી-૮૬૬૦ લઈને ટંકારા લતીપર ચોકડીથી આવતો હોય ત્યારે મોરબી તરફથી આવતા કન્ટેનર નં. જીજે-૧૨-બી ડબલ્યુ-૦૫૬૨ ના ચાલકે મોટરસાયકલને ટક્કર મારતા યુવાનને ઈજાઓ પહોંચી હતી જેથી તેને સારવાર અર્થે ખસેવામાં આવ્યો હતો, ટંકારા પોલીસે અકસ્માતના બનાવની નોંધ કરી વધુ તપાસ હાથ ધરી છે