હળવદના ડુંગરપુરમાં ઈંગ્લીશ દારૂની ૯ બોટલ સાથે એક પકડાયો, સપ્લાયરની શોધખોળ

હળવદ તાલુકાના ડુંગરપુર ગામે આરોપીએ ઈંગ્લીશ દારૂના વેચાણ અર્થે પોતાની દુકાનની આજુબાજુમાં દારૂ રાખતો હોવાની મળેલ બાતમીને આધારે પોલીસે રેઇડ કરતા, જ્યાં સ્થળ ઉપરથી વોડકાની ૯ નંગ બોટલ કિ.રૂ.૫,૪૦૦/- મળી આવી હતી જેથી હળવદ પોલીસે આરોપી વિક્રમભાઈ ગોરધનભાઇ વિઠ્ઠલાપરા ઉવ.૩૧ વાળાની અટકાયત કરી હતી. પકડાયેલ આરોપીની પૂછતાછમાં આ વિદેશી દારૂ અન્ય આરોપી સુરેશભાઈ ઘોઘાભાઈ જેતપરા રહે. માથક ગામ તા.હળવદ વાળા પાસેથી આ વિદેશી દારૂ મંગાવ્યો હોવાની કબૂલાત આપી હતી. હાલ પોલીસે બંને આરોપીઓ વિરુદ્ધ પ્રોહી.એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.