વાંકાનેર- મોરબી હાઈવે પર લાલપર નજીક અજાણ્યાં વાહનની ઠોકરે એકનું મોત

વાંકાનેર- મોરબી હાઈવે પર મોરબી તાલુકાના લાલપર ગામ નજીક રોડ ક્રોસ કરતી વેળાએ અજાણ્યાં વાહની અડફેટે એક યુવાનનું મોત નીપજ્યું હોવાનું સામે આવ્યું છે.

વાંકાનેર- મોરબી રોડ પર લાલપર ગામ ખાતે આવેલ બાપા સીતારામની મઢુલી નજીક મુકેશભાઈ ચાવડા નામનો યુવાન પગપાળા રોડ ક્રોસ કરી રહ્યો હતો તે દરમિયાન સામેથી પુરઝડપે આવતા અજાણ્યાં વાહને અડફેટે લેતા મુકેશને ગંભીર ઇજા થવા પામી હતી. આ અકસ્માતમાં મુકેશનું મોત નિપજતા મૃતકના કાકા આલાભાઇ ત્રીકમભાઇ ચાવડા (ઉ.વ.૬૦) રહે.વીડી જાબુડીયા તા-વાંકાનેરવાળાએ મોરબી તાલુકા પોલીસ મથકમાં અજાણ્યાં વાહન ચાલક સામે ફરિયાદ નોંધાવી છે.