હળવદ ખાતેની કેનાલમાં ડૂબી જતા પરિણીતાનું મોત નીપજ્યું

હળવદ ખાતે આવેલ કેનાલમાં ડૂબી જવાથી પરિણીતાનું મોત નીપજ્યું હોવાનો બનાવ પ્રકાશમાં આવ્યો છે.

કોયબા ઢવાણા રોડથી હળવદ તરફ જતા રોડ પરના કેનાલના નાલામા કોઇ અગમ્ય કારણસર ખાબકેલા હળવદ તાલુકાના સુખપર ગામની પરિણીતા વણજારીબેન કરશનભાઇ ગોરજીભાઇ નાયકનું ડૂબી જવાથી મોત નીપજ્યું હતું. આ અંગે પોલીસને જાણ થતાં હળવદ પોલીસે દોડી જઇ અકસ્માતે મોત કે આત્મહત્યા સહિત મોતનું કારણ જાણવાની દિશામાં આગળની કાર્યવાહી હાથ ધરી છે