ચોરીના ગુન્હામાં સાંડોવાયેલ ઓગણીસ વર્ષથી ફરાર આરોપી ને પકડી પાડતી પોલીસ

ઉના પોલીસ સ્ટેશનના ઘરફોડ ચોરીના ગુન્હામાં ૧૯ વર્ષથી ફરાર શખ્સને ઝડપી લેવામાં ટંકારા પોલીસને સફળતા સાંપડી છે.

લતીપર ચોકડી પાસે ઘરફોડ ચોરીના ગુન્હા સંડોવાયેલ અને છેલ્લા ઓગણીસ વર્ષથી પોલીસને હાથતાળી આપી ફરાર આરોપી ઉભો હોવાની પોલીસને બાતમી મળતા પોલીસે બાતમી સ્થળે દોડી જઇ આરોપી ભોળાભાઈ રૂપાભાઈ દેવીપુજક રહે.હાલ લાલબાગની દિવાલના પટમાં મોરબી -૨ મુળ રહે. રફાડેશ્વર વણઝારાના મેલડીમાના મંદિર સામે મોરબીવાળાને દબોચી લીધો હતો. પોલીસે આરોપીની આગવી ઢબે પુછપરછ કરી કોરોના ટેસ્ટ કરાવવા સહિતની તજવીજ હાથ ધરી છે.

આ કામગીરી દરમિયાન પીએસઆઇ બી.ડી.પરમાર, આઈએસઆઈ ફારૂકભાઇ યાકુબભાઇ પટેલ, વિજયભાઇ બાર, કોન્સ્ટેબલ હિતેષભાઇ ચાવડા, સિધ્ધરાજસિંહ અનિરૂધ્ધસિંહ, ખાલીદ ખાન, સિધ્ધરાજસિહ અર્જુનસિહ સહિતના હાજર રહ્યા હતા.