મોરબીમાં કારખાનામાં વીજ શોક લાગતા શ્રમિકની અકાળે વિદાય

મોરબી જિલ્લામા વધુ એક અપમૃત્યુનો કેસ સામે આવ્યો છે. જેમાં મોરબીના રફાળેશ્ર્વર પાનેલી રોડ આવેલ આર્કેટ માઇક્રોન કારખાનામાં કાર કરતી વેળાએ ઇલેકટ્રીક શોક લાગતા શ્રમિક યુવાનનું મોત નીપજ્યું હોવાનું જાહેર થયું છે. ગઈકાલે સવારે આશરે નવેક વાગ્યાના સમયગાળા દરમિયાન આર્કેટ માઇક્રોન કારખાનામાં સંતોષકુમાર મહેતા (ઉવ-૩૦) ફીલ્ટર પ્રેસમાં કામ કરતા હતા આ દરમિયાન તેઓને જોરદાર ઇલેકટ્રીક શોક લાગ્યો હતો જે જીવલેણ સાબિત થતા શ્રમિકે અકાળે વિદાય લીધી હતી. આ અંગે મોરબી તાલુકા પોલીસ મથકે જાણ કરાતા પોલીસે અકસ્માતે મોત ની નોંધ કરી તપાસ હાથ ધરી છે.