હળવદ તાલુકાના ટીકર ગામે જુગાર રમતા સાત ઝડપાયા

હળવદ પોલીસે  બાતમીના આધારે હળવદ તાલુકાના ટીકર ગામે ખરાવાડમાં જાહેરમાં જુગાર રમતા સાત ઇસમોને પકડી લઈને આગળની કાર્યવાહી હાથ ધરેલ છે.

હળવદ પોલીસ ઇન્સ્પેકટર એમ.વી.પટેલએ સર્વેલન્સ સ્ટાફને સંયુક્ત રીતે મળેલ ખાનગી બાતમીને આધારે હળવદ પોલીસ સ્ટાફના માણસોને જુગાર અંગે રેઇડ કરવા સુચના કરતા હળવદ તાલુકાના ટીકર ગામે રણની કાઠીના રોડ પર આવેલ કેનાલ પાસે ખરાવાડમાં જાહેરમાં જુગાર રમતા ઇસમો પર રેઇડ કરતા કમલેશભાઈ ગાંડુંભાઈ એરવાડીયા, હકેશભાઇ બાજાભાઇ વાંકડ, કિરણકુમાર રવજીભાઇ કણસાગરા, સંતોષભાઇ ઓધવજીભાઇ સીણોજીયા, અરવિંદભાઇ હીરજીભાઇ ગોઠી,અજયભાઇ ગોવિંદભાઇ એરવાડીયા, વિનોદભાઇ જસમતભાઇ સીતાપરાને કુલ રૂ.૫૮,૭૦૦ ના મુદ્દામાલ સાથે પકડી પાડી ગુન્હો નોંધી કાયદેસર કાર્યવાહી કરવામાં આવેલ છે.