મૃતકની ઉંમર આશરે ૨૫થી ૪૦ વર્ષ, ઓળખ મેળવવા પોલીસે તપાસ હાથ ધરી.
હળવદના કચ્છના નાના રણ જોગડ ગામની સીમ વિસ્તારમાંથી અજાણ્યા પુરુષનો મૃતદેહ મળી આવ્યો હતો. હાલ બનાવ અંગે હળવદ પોલીસે મરણ નોંધ કરી મૃતકની ઓળખ મેળવવા સહિતની તપાસ ચલાવી છે.
મળતી વિગતો અનુસાર, હળવદના જોગડ ગામની સીમ નજીક આવેલા કચ્છના નાના રણ વિસ્તારમાં આશરે ૨૫થી ૪૦ વર્ષના અજાણ્યા પુરુષનો મૃતદેહ મળી આવ્યો હતો. મૃતકે ગોળ ગળાનું ટી-શર્ટ અને ‘Kelvin Klein’ લખેલી ચડ્ડી પહેરી હતી. બનાવ અંગે હળવદ પોલીસે અકસ્માતે મોતની નોંધ કરી મૃતકની ઓળખ તથા તેના વાલી વારસની શોધખોળ શરૂ કરી છે.






