સમયના ગેટ થી શરૂ થનાર રોડ શો રામ ચોક થી સીધો ટાઉનહોલ થઈને શાક માર્કેટ પાસે યદુનંદન ચોક માં પૂર્ણ થશે
મોરબીમાં આજે સાંજે ભાજપના રાષ્ટ્રીય અધ્યક્ષ જે.પી.નડ્ડાનો રોડ શો યોજાવા જઈ રહ્યો છે ત્યારે આ રોડ શો માં ગુજરાતનાં મુખ્યમંત્રી ભુપેન્દ્રભાઈ પટેલ તેમજ ગુજરાત પ્રદેશ ભાજપ અધ્યક્ષ સી.આર પાટીલ પણ ઉપસ્થિત રહેવાના હોય જેથી મોરબી જિલ્લા ભાજપ દ્વારા મોટાભાગની તૈયારીઓ પૂર્ણ કરી લેવામાં આવી છે જેમાં આ રોડ શો નો રૂટ પણ નક્કી કરી લેવામાં આવ્યો હતો ને રૂટ માં ફેરફાર કરીને ટૂંકાવવાનો નિર્ણય લેવામાં આવ્યો છે.
જેમાં અગાઉ મોરબી બાયપાસે સમયના ગેટ થી શરૂ થનાર આ રોડ શો સ્કાય મોલ બાદ ઉમિયા સર્કલ, હાઉસિંગ બોર્ડ, સ્વામિનારાયણ મંદિર થી સરદાર બાદ, લાતી પ્લોટ ચોક અને રામ ચોક થી જૂના બસ સ્ટેન્ડ તરફ જવાનો હતો પરંતુ આજે આ રૂટ માં ફેરફાર કરી ને રામચોક થી તરફ થી સીધા મોરબી ટાઉનહોલ ખાતે પહોંચીને શાક માર્કેટ પાસે આવેલ યદુનંદન ચોક માં આ રોડ શો પૂર્ણ કરવામાં આવશે જોકે ભાજપના રાષ્ટ્રીય અધ્યક્ષ જે.પી નડ્ડાને સમય નો અભાવ હોવાથી આ રૂટ ટૂંકાવવામાં આવ્યો હોવાનું જાણવા મળ્યું છે.
