મોરબીના શનાળા ગામે આવેલ શક્તિ માતાના મંદિર પાસેથી પોલીસે એકે બોટલ દારૂ સાથે એક આરોપીને ઝડપી લીધો હતો જ્યારે વાંકાનેરની આંબેડકર નગર શેરી નં. પંચના નાકા પાસેથી બે શખ્સોને પોલીસે દારૂ અને બિયરના ટીન સાથે પકડી પડ્યા હતા જેમાં અન્ય એક આરોપીનું નામ ખુલતા પોલીસે વધુ તપાસ હાથ ધરી છે.
મોરબી સીટી એ ડિવીઝન પોલીસે મોરબીના શનાળા ગામેં આવેલ શક્તિ માતાજીના મંદીર પાછળના આંબેડકર ચોક પાસેથી આરોપી પંકજસિંહ રાજેન્દ્રસિંહ ઝાલા (ઉ.વ.૩૧)ને મેગડોલ નંબર-૧ કંપની સીલબંધ બોટલ નંગ-૧ કિ.રૂ. ૩૦૦ના મુદામાલ સાથે ઝડપી લીધો હતો. પોલીસે દારૂની બોટલ કબ્જે કરી આરોપી વિરુધ કાયદેશરની કાર્યવાહી હાથ ધરી છે.
આ ઉપરાંત વાંકાનેર સીટી પોલીસે આંબેડકરનગર શેરી નં-૫ ના નાકા પાસેથી આરોપી રવિભાઈ પ્રવિણભાઈ પરમાર (ઉવ-૨૭)ને બિયરના એક ટીન સાથે ઝડપી લીધો હતો. તથા આરોપી વિપુલભાઈ ઉર્ફે વિકાસ જેન્તીભાઈ બોસીયા (ઉવ-૨૫) રહે.વાંકાનેર રોયલપાર્ક તા.વાંકાનેરવાળાને મેકડોવલ્સ નં-૧ સુપેરીયર વ્હીસ્કીની અડધી બોટલ કી.રૂ ૩૦૦ સાથે ઝડપી લીધો હતો. આ બન્ને આરોપીઓએ દારૂનો જથ્થો એક જ શખ્સ કુલદીપસિંહ ઝાલા પાસેથી મેળવ્યો હોવાનું ખુલતા પોલીસે વધુ તપાસ હાથ ધરી છે.
