વાંકાનેરમાં વધુ એક ફાયરિંગની ઘટના સામે આવી છે. જેમાં જૂની અદાવતમાં એક શખ્સે યુવકના ઘરે જઈ બોલાચાલી કરી પોતાના નેફામાં રહેલ બે બંદુક કાઢી યુવકને મારી નાખવાની ધમકી હવામાં ત્રણ રાઉન્ડ ફાયરિંગ કરતા સમગ્ર મામલે વાંકાનેર સીટી પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, વાંકાનેરમાં વિવેકાનંદ સોસાયટી સામે દોશી કોલેજના ખુણા પાસે રહેતા મહેશભાઇ કાનાભાઇ ગોલતર નામના યુવકના ભાઈને સતુભા દરબાર (રહે.હાલ વાંકાનેર મુળ રહે.સરધારકા તા.વાંકાનેર જી.મોરબી) નામના આરોપી સાથે બોલાચાલી ઝઘડો થયેલ હોય જેનો ખાર રાખી આરોપીએ ફરીયાદીના ઘર પાસે આવી ફરીયાદી સાથે બોલાચાલી ઝઘડો કરી ગાળો આપી પેન્ટના નેફામાથી બંદુક કાઢી ફરીયાદીની સામે બંદુક તાકી મૃત્યુનો ભય બતાવી મારી નાખવાના ઇરાદે હવામા ત્રણ રાઉન્ડ ફાયરીંગ કરી જાનથી મારી નાખવાની ધમકી આપતા સમગ્ર મામલે વાંકાનેર સીટી પોલીસ સ્ટેશનમાં ફરિયાદ દાખલ કરવામાં આવી છે.
