માળીયા હળવદ હાઇવે પર પુરપાટ સ્પીડે આવતું ટ્રેઈલર પલ્ટી ખાઈ ગટરમાં ખાબકયું: ડ્રાઇવર, ક્લીનરને ઇજા

માળીયા હળવદ નેશનલ હાઈવે ઉપર આવેલ અણીયારી ટોલ નાકાથી ભોરાપીરની જગ્યા નજીક બેફામ સ્પીડે આવતો ટ્રક પલ્ટી જતા ગટરમા ખાબક્યો હતો.

અણિયારી ટોલ નાકા નજીક આવેલ ભોરાપીરની જગ્યા પાસે રોડ પર ટ્રક-ટ્રેઈલર નંબર-GJ-12-BX-4360ના ચાલક બજરંગબલીભાઈ યાદવ (રહે-હાલ સામખીયારી ગુજરાત લોજીસ્ટીક કંપનીમા)એ પુર પાટ ઝડપે વાહન ચલાવી એકદમ જોરથી ટ્રકને બ્રેક મારતા અકસ્માત સર્જાયો હતો જેમાં ટ્રક પલ્ટી ખાઈ રોડની સાઈડની ગટરમા ખાબક્યો હતો. આ અકસ્માતમાં ટ્રક ચાલક અને ક્લીનરને શરીરે નાની મોટી ઇજા પહોંચી હતી આથી માળીયા મિયાણા પોલીસે ગુન્હો નોંધી તપાસ હાથ ધરી છે.