મોરબીમાં ટ્રક ચાલકો બેફામ બન્યા હોય તેમ એક બાદ એક અકસ્માતો સર્જી રહ્યા છે. તેવામાં ગઈકાલે લાલપર ગામ પાસે ઇડન કોમ્પલેક્ષની સામે એક ટ્રક ચાલકે બાઈક સવાર યુવકને હડફેટે લઈ તેના પર ટ્રકનું ટાયર ફેરવી દેતા તેનું મોત નીપજ્યું છે.
મળતી માહિતી અનુસાર, મોરબીના બ્લોક નં-એ ૨૦૪ અજંતા એપાર્ટ્મેનન્ટ લાલપર ગામેં રહેતા રાહુલભાઇ રઘુભાઇ કોતરવાડીયા પોતાનું GJ-36-AE-0751 નંબરનું બાઈક લઇ મોરબીથી વાંકાનેર ઇડન કોમ્પલેક્ષની સામે નેશનલ હાઇવે રોડ જતો હતો. તે દરમિયાન GJ-12-AZ-7874 નંબરના એક ટ્રક ચાલકે પોતાનુ વાહન પુર ઝડપે અને ગફલત ભરી રીતે ચલાવી રાહુલને અડફેટે લઇ માથા ઉપર ટાયર ફેરવી માથાના ભાગે ગંભીર ઇજા પહોંચાડતા યુવકનું મોત નીપજ્યું હતું. ત્યારે સમગ્ર મામલે મોરબી તાલુકા પોલીસ સ્ટેશન ખાતે ઇ.પી.કો. કલમ-૨૭૯, ૩૦૪(અ) તથા એમ.વી.એક્ટ કલમ-૧૮૪, ૧૭૭, મુજબ ગુનો દાખલ કરવામાં આવ્યો છે.
