મોરબી-ર વિસ્તારમાં નજરબાગની સામે આવેલ મેલડી માતાના મંદિર પાસે ઓટા ઉપર સુવા માથાકૂટ કરી બે શખ્સોએ યુવાનને લમધારી નાખ્યો હોવાનો બનાવ પ્રકાશમાં આવ્યું છે.
આ કેસની જાણવા મળતી વિગત અનુસાર મોરબી શહેરના નજરબાગની સામે આવેલ મેલડી માતાના મંદિર પાસે ઓટા ઉપર સુવા બાબતે રણજીતભાઇ લાલજીભાઇ કોળી રહે.મોરબી ૧ લીલાપર રોડ ખડીયાવાસ અને લલીતભાઇ કોળી રહે.ભડીયાદ રોડવાળા બે શખ્સોએ ફરિયાદી રમેશભાઇ કરસનભાઇ પરમાર (ઉવ-૩૦) રહે.-મોરબી-ર નજરબાગની સામેવાળા સામે બોલચાલ કરી માથાકુટ કરી હતી. જોત જોતામાં બનાવે ઉગ્ર સ્વરૂપ લેતા બન્ને આરોપીઓએ એક સંપ કરીને રમેશભાઈને ઢીકાપાટુનો માર મારી ડાબી આંખની બાજુમા ટાંકા આવતા તથા મોઢા પર છોલછાલ થતા અને માથાના ભાગમા ફેકચર સહિતની ઇજા પહોંચાડી હતી. આ અંગે મોરબી સીટી બી ડિવિઝન પોલીસ સ્ટેશનમાં ફરિયાદ નોંધાવતા પોલીસે આરોપીઓને ઝડપી લેવા તપાસ હાથ ધરી છે.
