વર્કરોની નોંધ અને નિયમ મુજબ સીસીટીવીના ડેટા ન રાખવા બદલ ગુનો નોંધાયો.
મોરબી એસઓજી ટીમની ચેકીંગ કામગીરી દરમિયાન મોરબીના ટીંબડી ગામે ઓરબીટ-૨ કોમ્પ્લેક્ષમાં આવેલ સિસો થાઈ સ્પામાં છ સ્પા વર્કરના બાયોડેટાની પોલીસ મથકે નોંધ નહીં કરાવવા તેમજ નિયમ મુજબ સીસીટીવી રેકોર્ડિંગનો ડેટા જાળવી નહીં રાખતા સ્પા-સંચાલક વિરુદ્ધ ગુનો નોંધાવી આગળની કાર્યવાહી હાથ ધરી છે.
મોરબી તાલુકાના ટીંબડી ગામની સીમમાં અશ્વમેઘ હોટલ સામે આવેલા ઓરબિટ-૨ કોમ્પલેક્ષના ત્રીજા માળે સિસો થાઈ સ્પામાં એસઓજી પોલીસે તપાસ કરતાં જીલ્લા મેજિસ્ટ્રેટના જાહેરનામાનો ભંગ સામે આવ્યો હતો. જ્યાં સ્પામાં કામ કરતી છ સ્પા વર્કરના બાયોડેટા ફોર્મ ભરી પોલીસ સ્ટેશનમાં નોંધ કરાવવામાં આવી ન હોવાનું તેમજ સ્પાના સીસીટીવી કેમેરાના રેકોર્ડિંગનો ડેટા પણ જીલ્લા મેજિસ્ટ્રેટના જાહેરનામા મુજબ જાળવી રાખવામાં આવ્યો ન હોવાનું સામે આવ્યું હતું. જેથી રિસેપ્શન કાઉન્ટર પર હાજર ગોયારામ ડેસોકુમાર રીયાંગ ઉવ.૨૦ હાલ રહે. ટીંબડી પાટીયા ઓરબિટ-૨ કોમ્પલેક્ષ ત્રીજો માળ મોરબી મૂળરહે. વેસ્ટ ફેઇલીંગ જી.મામીત મિઝોરમ વાળાને નોટિસ પાઠવી તેની વિરુદ્ધ મોરબી તાલુકા પોલીસ મથકમાં બીએનએસ કલમ ૨૨૩ મુજબ ગુનો નોંધાવી આગળની તપાસ શરૂ કરી છે.
