રાજપર ગામે ૧૮ વર્ષીય યુવકનું વીજશોક લાગતા કરૂણ મોત

મોરબી તાલુકાના રાજપર ગામે ૧૮ વર્ષીય યુવકને ઇલેક્ટ્રિક શોક લાગતા તેનું મોત નીપજ્યું હતું. બનાવ અંગે મોરબી તાલુકા પોલીસે અ.મોતની નોંધ કરી વધુ તપાસ હાથ ધરી છે.

અપમૃત્યુના બનાવ અંગે પ્રલત વિગતો મુજબ, મોરબીના રાજપર ગામે રહેતા વિવેક કરણસીંગ આહિરવાડ ઉવ.૧૮ને અકસ્માતે વીજ કરંટ લાગતા ગંભીર ઇજા પહોંચી હતી. તેમને સારવાર માટે હોસ્પિટલ ખસેડવામાં આવ્યા હતા, જ્યાં તબીબે મૃત જોઈ તપાસી વિવેકભાઈને મૃત જાહેર કર્યા હતા. હાલ બનાવ અંગે મોરબી તાલુકા પોલીસે અ.મોત રજીસ્ટર કરી આગળની તપાસ ચલાવી છે.