મોરબી તાલુકાના સાપર ગામ નજીક આવેલ બ્લુ ગ્રેસ સીરામીક સામે આમ્રપાલી કોમ્પ્લેક્સ નજીક પાર્કિંગમાં રેઢી પડેલ નંબર પ્લેટ વગરની મારુતિ સુઝુકીની બલેનો કારમાંથી વિદેશી દારૂની અલગ અલગ બ્રાન્ડની ૫૦ નંગ બોટલ મળી આવતા મોરબી તાલુકા પોલીસ ટીમે બલેનો કારનો કબ્જો લઇ અજાણ્યા કાર ચાલક આરોપી વિરુદ્ધ ગુનો નોંધી તપાસનો ધમધમાટ શરૂ કર્યો છે.
મળતી માહિતી અનુસાર મોરબી તાલુકા પોલીસ ટીમને ખાનગીરાહે બાતમી મળેલ કે સાપર ગામની સીમમાં આવેલ બ્લુગ્રેસ સીરામીક સામે આમ્રપાલી કોમ્પ્લેક્સ સામે પાર્કિંગમાં રહેલી રેઢી મારુતિ સુઝુકીની બલેનો કારમાં વિદેશી દારૂનો જથ્થો છે. જે મળેલ બાતમીને આધારે પંચ સહીત સ્થળ ઉપર જઈ રેઇડ કરી બલેનો કારની ઝડતી તપાસ કરતા બલેનો કારની પાછળની સીટમાં તથા ડેકીમાંથી વિદેશી દારૂની અલગ અલગ બે બ્રાન્ડની કુલ ૫૦ નંગ બોટલ કિ.રૂ.૧૭,૧૪૦/-મળી આવી હતી. જેથી તાલુકા પોલીસે વિદેશી દારૂનો જથ્થો તથા બલેનો કાર કે જેના એન્જીન ચેસીસ નંબર ઉપરથી કારના આરટીઓ રજીસ્ટર નંબર મેળવ્યા હતા. જેના રજી. નં. જીજે-૦૧-આરયુ-૪૨૦૬ એમ કુલ ૩,૧૭,૧૪૦/-નો મુદામાલ કબ્જે લઇ અજાણ્યા કાર ચાલક આરોપી સામે પ્રોહી. હેઠળ ગુનો નોંધી અલગ અલગ દિશામાં તપાસના ચક્રો ગતિમાન કર્યા છે.
