મોરબી તાલુકાના બેલા ગામની સીમમાં જુગારધામ ચાલી રહ્યું છે. જે બાતમીના આધારે મોરબી તાલુકા પોલીસે રેઈડ કરતા ૮ ઈસમો જુગાર રમતા મળી આવ્યા હતા. જે ઈસમોની અટકાયત કરી તેમની પાસેથી પોલીસે આઠ લાખથી વધુની રોકડ કબ્જે કરી જુગારધારા કલમ-૪, ૫ મુજબ ગુન્હો નોંધી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી તાલુકા પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, સુરેશભાઇ પ્રભુભાઇ ભીમાણી (રહે. રવાપર રોડ, અવનીપાર્ક, મોરબી-૦૧) નામના આરોપીએ લોડસ ઇકો ઇન હોટલમાં રૂમ નં.૨૪૧ ભાડેથી રાખી પોતાના ભાડાના રૂમમાં જુગારધામ ચલાવે છે. જે હકીકતના આધારે પોલીસે સ્થળ પર રેઇડ કરી જુગાર રમતા-રમાડતા સુરેશભાઇ પ્રભુભાઇ ભીમાણી (રહે. રવાપર રોડ, અવનીપાર્ક, મોરબી-૦૧), ચેતનભાઇ કલ્યાણજીભાઇ દેત્રોજા (રહે. રવાપર રોડ, ફલોરા-૧૫૮ મોરબી-૦૧), પિયુષભાઇ જશમતભાઇ કગથળા (રહે. પંચાસર રોડ, પ્રમુખ સ્વામી પાર્ક, મોરબી-૦૧), હરેશભાઇ રામજીભાઇ દેત્રોજા (રહે. રવાપર રોડ, વેલકમ પ્રાઇડ, મોરબી-૦૧), ધર્મેન્દ્રભાઇ ભાણજીભાઇ પાંચોટીયા (રહે. સાદુળકા, તા.જી.મોરબી), રસીકભાઇ અમરશીભાઇ ચાડમીયા (રહે. રવાપર રોડ, સાંનિધ્ય પાર્ક સોસાયટી, મોરબી-૦૧), લાલજીભાઇ ભગવાનજીભાઇ કડીવાર (રહે. રવાપર રોડ, સંગમ એપાર્ટમેન્ટ, મોરબી-૦૧) તથા દિપેશભાઇ ધનસુખભાઇ કાવર (રહે. રવાપર રોડ, આલાપ પાર્ક સોસાયટી, મોરબી-૦૧) નામના શખ્સોને પકડી પાડી રોકડ રૂ.૮,૬૫,૫૦૦/-નો મુદામાલ કબ્જે કરી કાયદેસરની કાર્યવાહી હાથ ધરી છે.
