તાજેતરમાં અષાઢી બીજનાં પાવન અવસરે મોરબીનાં અયોધ્યાપુરી રોડ પર આવેલ જલારામ મંદિર ખાતે મોરબી સમસ્ત મચ્છુકાંઠાના રબારી સમાજના યુવાનોના ઉત્થાન માટે સક્રિય એવા વડવાળા યુવા સંગઠનની કારોબારી બેઠક મળી હતી. આ કારોબારીમાં ૭૧ સભ્યોની નિમણુંક કરવામાં આવી હતી. જેમાં વડવાળા યુવા સંગઠનના મુખ્ય સંયોજક તરીકે દેવેનભાઈ રબારીની સર્વાનુમતે વરણી કરવામાં આવી હતી. આ સાથે જ દેવેનભાઈ રબારીએ સૌનો આભાર વ્યક્ત કર્યો હતો અને સમાજમાં શૈક્ષણિક, સામાજિક, સાંસ્કૃતિક કાર્યક્રમો થકી જાગૃતિ લાવવા પર ભાર મુક્યો હતો અને આગામી સમયમાં માલધારી સંમેલનનું આયોજન કરવાનું પણ જણાવ્યું હતું.
આ પ્રસંગે રબારી સમાજના અગ્રણીઓ સોહનભાઈ રગીયા, મોતીભાઈ કરોતરા, રાયમલભાઈ રબારી, ભરતભાઇ રબારી, હીરાભાઈ ખાંભલા, ધારાભાઈ ટમાંરિયા સહિતના યુવા કાર્યકરો ઉપસ્થિત રહ્યા હતા અને દેવેનભાઈની વરણીને ઉમળકાભેર વધાવી હતી.
