મોરબીમાં ધક્કાવાળી મેલડી માતાના મંદિરે યોજાતા ગરબી મહોત્સવનું આયોજન મોકૂફ

કોરોના મહામારીને લઈને મોરબીમાં આવેલા ધક્કાવાળી મેલડી માતાના મંદિરે નવરાત્રી મહોત્સવ નિમિત્તે યોજાતી ગરબીનું આયોજન મોકૂફ રાખવા અંગે નિર્ણય લેવામાં આવ્યો છે.

મોરબી શહેરના રેલવે સ્ટેશન નજીક આવેલ ધક્કાવાળી મેલડી માતાના મંદિરે ધક્કાવાળી ગરબી મંડળ સમિતિ દ્વારા નવરાત્રી નિમિત્તે ગરબીનુ જબરદસ્ત આયોજન કરવામાં આવતું હોય છે પરંતુ હાલ કોરોના મહામારીની ત્રીજી લહેરની દહેશતે પગણે ગરબીનું આયોજન ન કરવા અંગે સમિતિ દ્વારા નિર્ણય લેવામાં આવ્યો છે. નવરાત્રી મહોત્સવમાં મોટી સંખ્યામાં ભક્તિ ઉમટી પડતા હોવાથી સરકારના નિયમનું પાલન કરવું મુશ્કેલ હોય ઉપરાંત ભક્તોની આરોગ્ય સુખાકારીને ભાગરૂપે ગત વર્ષની માફક આ વર્ષે પણ આયોજન મોકૂફ રાખવામાં આવ્યું છે.