મોરબીમાં રીક્ષાચાલક ઉપર છરી વડે હુમલો

મોરબી-ર વિસ્તારમાં આવેલ કારખાના નજીક ફોનમા વાત કરતા યુવાન ઉપર અજાણ્યાં બુકાની ધારીઓએ છરી વડે હુમલો કરી ઇજા પહોંચાડ્યાની પોલીસ ફરિયાદ નોંધાઈ છે.

મોરબીના મચ્છુનગર રફાળેશ્વર વિસ્તારમા રહેતા અને રીક્ષા ચલાવી પરિવારનું ગુજરાન ચલાવતા અનીલભાઇ બચુભાઇ સોલંકી (ઉ.વ.૩૦) બાબારામદેવ કારખાના પાસે પોતાના ફોનમાં વાત કરતા હતા. આ દરમિયાન અજાણ્યા શખ્સોએ મોઢે બાંધીને આવી છરી વડે અનિલભાઈ ઉપર હુમલો કર્યો હતો. આ બનાવમાં અનિલભાઈને ડાબા હાથની આંગળીઓમાં ઇજા થતા સીટી બી ડિવિઝન પોલીસ મથકમાં ફરિયાદ નોંધાઈ છે.